Traveller Review Award for andre år på rad

– Ei påminning om at vi driv nettopp for å skape gode opplevingar for gjestane våre.

Traveller Review Awards vert gitt ut av Booking.com kvart år, til dei destinasjonane som får dei beste tilbakemeldingane frå gjestane sine.

Lindstrøm Hotel fekk tildelt utmerkinga i 2023, og er no stolte av å kunne sei at vi har fått den for 2024 óg.

– Dette er veldig kjekt! Vi set stor pris på alle gjestane våre som legg igjen tilbakemelding til oss, seier drivar Knut Lindstrøm.

– Utmerkinga gir litt ekstra motivasjon fram mot den nye sesongen, og er ei påminning om at vi driv for å skape gode opplevingar for gjestane våre.

Hotellet opnar igjen for sesongen i mai 2024. Vi gler oss, og håpar du kjem på besøk!