Om Lindstrøm Hotel
Lindstrøm Hotel ligg idyllisk til på Gamle Lærdalsøyri i Lærdal, mellom vakre pastellfarga trehus. Vi held ope frå mai til september.
Vertskapet Britt og Knut
På Lindstrøm Hotel vil du garantert møte på vertsskapet Britt Isdal og Knut Lindstrøm. Dei byr på seg sjølve og fortel deg gjerne ei historie om hotellet. Knut er femte generasjons Lindstrøm og har drive hotellet saman med Britt sidan 1991.
Frå nasjonalromantikk til skandinavisk design
Lindstrøm Hotel har i alt fem ulike bygningar, der nyaste er frå 1985 og eldste er ein nydeleg sveitsarbygning frå 1800-talet. Eksteriør- og interiørmessig spenner hotellet frå nasjonalromantikk til moderne, skandinavisk design med innslag frå designarar som Alvar Aalto, Hans Wegner, Arne Jacobsen, Hans Brattrud og Torbjørn Afdal. Hotellet har tre generasjoner med Lindstrøm-arkitektar som har vore involvert i innreiinga og satt sitt preg på hotellet. Dette har gitt hotellet gode kvaliteter og ein unik stil som varierer frå rom til rom.
Våre gjester kjem frå alle delar av verden. Dei fyrste turistane som kom, var engelske laksefiskarar og kongelege frå Europa. Prins Axel av Danmark var den som kom oftast og har fått kalla opp ein av bygningane våre etter seg: «Prins Axels hytte».
Bli med å oppleve Lindstrøm Hotel - der gamal og ny historie møtest.
