Køyre nasjonale turistvegar i sommar?
Tre av dei nasjonale turistvegane ligg kring Lindstrøm Hotel. Perfekt for deg som ønskjer ein lengre tur med bil etter motorsykkel i sommar.
Dei 18 nasjonale turistvegane er køyreturar gjennom vakker norsk natur, med tilrettelagde utsiktspunkt og rasteplassar undervegs.
Med Lindstrøm Hotel som start- eller sluttpunkt, kan du ta turen over tre av dei flotte turistvegane: Aurlandsfjellet, Sognefjellet og Gaularfjellet.
Noregs høgaste fjellovergang
På veg til eller frå Lindstrøm Hotel kan du reise overSognefjellet, Noregs høgaste fjellovergang. Partiet tek deg frå kulturlandskapet i Lom over fjellet til Luster og Gaupne inst i Sognefjorden.
Eller du kan køyre turen frå fjord til fjord over høgfjella på Aurlandsfjellet. Her er utsikta over Aurlandsfjorden frå Stegastein det store høgdepunktet.
Populær rundtur over Gaularfjellet
Ein populær rundtur frå Lindstrøm Hotel er ruta Lærdal - Hella - Dragsvik - Gaularfjellet - Moskog og tilbake via Skei.
Denne ruta har mange flotte opplevingar undervegs, som den populære Utsikten på Gaularfjellet. Ein køyrer óg forbi bokbyen Fjærland - ein liten tettstad med flust av brukthandlar og over 150.000 brukte bøker.
Klar for å oppleve dei nasjonale turistvegane i sommar?
Me hjelper deg gjerne med å planlegge opplevingar medan du bur hjå oss. Sjå våre ledige rom eller ta kontakt for ein prat.